ஏன் ? (இது கேள்வி பதில் தொடர் அல்ல..)

இப்போதெல்லாம் சினிமா டைட்டிலுடன் ஒரு வாக்கியம் வருவது ஃபேஷன் ஆகி விட்டது. சிவாஜி, தி பாஸ் என்பது போல்.


இதை ஏன் பதிவில் அமல் படுத்தக் கூடாது என்ற எண்ணம் எழுந்த போது வந்ததுதான் இந்த டைட்டில்.


ஏன் என்ற கேள்வியை வைத்து ஏன் டைட்டில் வைக்க வேண்டும் என்ற கேள்வி ஏற்பட்ட போது தோன்றியதுதான் இந்த சப் டைட்டில்.


ஏன் என்றால் இப்போது 32 கேள்வி பதில் தொடர் ஓடிக்கொண்டிருக்கிறதல்லவா? ஏன் என்ற பதிவு கேள்வி பதில் தொடருக்கானதாக இருக்கலாம் என்று யாராவது இதைப் படிக்காமல் போய்விட்டால் என்ற எண்ணத்தில் தோன்றியதுதான் இந்த சப் டைட்டில்.


சரி ஏன் ஏன் என்ற கேள்வி நீங்கள் கேட்கலாம் தப்பில்லை. நான் அதற்கு ஏன் ஏன் கூடாது என்று பதிலிறுக்கலாமல்லவா?


ஏன் இப்போதெல்லாம் இளைய பல்லவன் மொக்கையாகவே எழுதுகிறார் என்ற கேள்வியும் உங்களுக்குத் தோன்றலாம். ஏன் எழுதக்கூடாது என்று நான் நினைப்பதில் தப்பில்லையல்லவா? மொக்கையில்லாத பதிவு, காதலில்லாத வாழ்க்கையைப் போன்றது என்பது நீங்கள் அறிவீர்கள்தானே.


இதை ஏன் படித்துத் தொலைக்க வேண்டும் என்ற எண்ணம் உங்கள் மனதில் உண்டாக வாய்ப்பிருக்கிறது. ஆனால்...

எனக்கு மட்டும் இதன் சம்பந்தமாக ஏன் ஒன்றும் தோன்ற மாட்டேன் என்கிறது என்றுதான் தெரியவில்லை.


ஆகக் கூடி, ஏன் பதிவுலகிற்கு வந்தோம் என்று நீங்கள் எண்ணுவீர்களேயானால் அதுவே இந்தப் பதிவின் வெற்றியாக ஏன் இருக்கக் கூடாது என்று நான் ஏன் எண்ணக்கூடாது.


டிஸ்கி:-

1. இப்போது எத்தனை ஏன் என்று எண்ணுங்கள்...

2. பின்னூட்டங்களில் ஏன் என்ற வார்த்தையைத் தவிர்க்கவும்.

கவுஜ வலைஞர்களுக்கு பகிரங்க அறிவிப்பு

கவிதை கவுஜையானது எப்படி என்று தெரியாதவர்களும் கவுஜையை விமர்சிக்கும் அளவுக்கு முன்னேறியிருப்பது மகிழ்ச்சியையளித்தாலும், கவுஜை இவர்களிடம் லோல் படுவதைப் பார்க்கும் போது இந்தப் பதிவைப் போட்டு என் ஆற்றாமையை வெளிப்படுத்தியேயாகவேண்டுமென்றவெண்ணத்தைத்தடுத்திடவியலவில்லையாகவேவிவ்வாறுவெழுதப்போயிற்று (இது முழுவதும் ஒரே வார்த்தை என்பதை கவனத்தில் கொள்க).

நிற்க. (உட்கார்ந்து படித்தாலும், படுத்துக் கொண்டு படித்தாலும்).

இன்றைய நிலையில் கவுஜ எழுதும் கவுஜர்கள் அதிகமாகிவிட்டார்கள். இது கவுஜக்காலமா என்று எண்ணுமளவிற்கு இவர்களது கவுஜ தொந்திரவு தாங்கவில்லை. கவுஜ எழுதுவது சுலபம் என்று நினைத்துக் கொண்டிருக்கிறார்கள். என்னுடைய சில கவுஜகளைப் பார்த்தால் எப்படி கவுஜ எழுதுவது என்று ஐடியா கிடைக்கலாம்.

அதுதான் போகட்டும், இவர்களது கவுஜையில் கவுஜ இருக்கிறதா என்றால் அதுதான் இல்லை. இதில் என் கவிஜையை மொக்கை என்று அறிவித்திருக்கிறார் அன்பின் பதிவர் நான் ஆதவன்.

கவுஜ என்று போட்டால் கவுஜ வந்துவிடாது. ஆனால் கவுஜ என்று போடாவிட்டாலும் கவுஜ எழுதினால் கவுஜ வரும். இதை அனைவரும் புரிந்து கொள்ளவேண்டும்.

இப்போது கவுஜ எழுத சில எளிய டிப்ஸ்களைப் பார்ப்போம்.

1.



2.



3.



4.



5.



உங்களுக்காக டாப் 5 டிப்ஸ் மட்டுமே கொடுத்திருக்கிறேன். மேற்சொன்ன இந்த ஐந்து டிப்ஸ்களும் உண்மை கவுஜர்களுக்கு விவரமாகத் தெரியும். மற்றவர்களுக்கு எண்கள் மட்டுமே தெரியும்.

நீங்கள் உண்மை கவுஜர்கள் என்றால் டிப்ஸ் பற்றி கமெண்டுங்கள். உண்மை கவுஜர்களாக வேண்டுமென்றால் இவை தெரியவில்லை என்று பின்னூட்டமிட்டு கேட்டுக்கொள்ளுங்கள்.


கவுஜ என்று லேபிள் போட்டால் மட்டும் கவுஜ கிடையாது.
கவுஜ என்று லேபிள் போடாமல் விட்டும் கவுஜ கவுஜ தான்.

இது கவுஜைக்கு ஒரு இலக்கணம். இதை அனைவரும் புரிந்து கொள்ளவேண்டும்.

மற்றொரு கவுஜை.

நேற்று
நாளை
இன்று
நேற்று..


இதற்கு விளக்கம் கூறுவோரும் கவுஜராக அறிவிக்கப்படுவார்கள்.


பின் குறிப்பு:-

1. கவுஜ (ட்ரேட் மார்க் ரிஜிஸ்டர்ட் பை ஆசீப் அண்ணாச்சி)
2. கும்மிகள் வரவேற்கப் படுகின்றன

காலையில் 100 மாலையில் 200

இது 'மில்லி' மேட்டர் இல்லிங்கோ.

நான் ஒரு புதிய பதிவன். ஹிட் கவுண்டர், ஆன் லைன் யூசர்ஸ் முதலிய கோடுகளை எப்படி சேர்ப்பது என்பது கூட தெரியாமல் இருந்தது.

என்னுடைய மற்றொரு பதிவான 'கணக்கு வழக்கில்' இதற்கான உதவியைக் கேட்டிருந்தேன்.

சக பதிவர் 'பாரிஸ் திவா' வழி சொல்லிக் கொடுத்தார்.

போன வாரம் ஒரு கதை இரண்டு பகுதிகளாக எழுதினேன்.

இன்னிக்குதான் ஒரு நல்ல 'மொக்கை' பதிவு முதல் முதலாக போட்டேன்.
பாருங்க, ஹிட்டு ஒரே நாளில் 100 ஐ தாண்டி விட்டது ! ! !

ஒரு மாதத்தில் 100 ஹிட்டுகள்தான் கிடைத்தது.

காலையில் 111 ஆக இருந்தது, இப்பொழுது 200 ஐ தாண்டி விட்டது.

இந்த சந்தோஷமான சமாசாரத்தை பகிர்ந்து கொள்ளத்தான் இந்தப் பதிவு.

காக்கைக்கும் தன் குஞ்சு பொன் குஞ்சு . . .

டிஸ்கி:-
இதில் உட்டாலக்கடி வேலையெல்லாம் இல்லிங்கோ.
(அட நம்புங்க ! ! !)

F5 .. உட்டாலக்கடி கிரி கிரி ! ! .... வடை கறி ! !

அருமை அண்ணன் லக்கியாரின் பதிவில் ஒருவர் (லாரி க்ளீனர்?) F5 பற்றி அருமையான உதவிக் குறிப்பு கொடுத்திருந்தார்.

நானும் முயற்சி செய்து பார்த்தேன்.

என்ன ஆச்சரியம் ! ! ! !

என்னுடைய ஹிட் கவுண்டரும் ஏறுகிறது.

உட்டாலக்கடி கிரி கிரி ! ! ! .................... வடை கறி ! ! ! !

(புள்ளியிட்ட இடத்தில் இது எந்த ஊர் வடை கறி என்பதை பின்னூட்டவும்)
க்ளூ: சைதாப்பேட்டை அல்ல

நான் பாறாங்கல்லுக்கு ராஜஸ்தானில் ஆர்டர் கொடுத்து விட்டேன் !

அலெக்ஸாவில் விரைவில் என்னுடைய பதிவை முதலாவதாக எதிர்பாருங்கள் !!!.


டிஸ்கி :-

௧. லக்கியாரின் பெயர் தற்செயலாகப் பயன் படுத்தப்பட்டது. சூடான பதிவுக்கான நோக்கமல்ல.

௨. அனைவரும் இந்த டெக்னிக்கை உபயோகிக்கலாம்

௩. தமிழ் எண்கள் தெரிவது ப்ளாக்கர் உபயத்தினால்

௪. சரியான பின்னூட்டத்திற்கு அந்த ஊருக்கு செல்ல மங்களூர் சிவாவின் ட்ரை சைக்கிள் இலவச வாடகைக்கு எடுத்துத் தரப்படும்.

௫. நான் புதிய பதிவர் என்பதால் அதர் ஆப்ஷனை திறந்து வைத்துள்ளேன்