Wednesday, December 23, 2009

சுய தேடல் . . .

தூரத்தே தெரியும் மலைகள்
அருகே விரியும் வயல்கள்
சற்றே நெளியும் ஓடை - அவை
யாவிலும் இல்லை கவனம்

செவியில் கேட்கும் மழலை
ஆசையாய் பேசும் மனைவி
காலைச் சுற்றும் பூனை - எதுவும்
தொடவில்லை என்னை

இருந்தும் இல்லாமல் இருக்கும்
இன்றைய வாழ்வின் நிலைக்கும்
நேற்றைய பொழுதின் சிந்தனை - அதுவும்
அண்டவில்லை என்னை

இன்பம் இல்லா வாழ்வென
துன்பத்தில் மனம் தினம் வாட
கண்ணெதிரே இருக்கும் நீரை மறுத்து
கானலுக்கேங்கும் மனிதா

உன்னுள் தேடு
உண்மை தேடு
உன்னைத் தேடு

8 comments:

தர்ஷன் said...

அருமை நண்பரே

உமா said...

நல்ல கவிதைங்க...அழகான வரிகள்...

இளைய பல்லவன் said...

நன்றி தர்ஷன்!

இளைய பல்லவன் said...

நன்றி உமா!!

pappu said...

என்னங்க ரெண்டு பேரும் ஒரே(ஒரு) மாதிரியான கவிதையா எழுதிருக்கோம். சியர்ஸ்!

நல்லாருக்கு!

☀நான் ஆதவன்☀ said...

பேக் டூ த பாஃம் :)

உரையாடல் கவிதை போட்டி நடக்குது. தெரியும்ல தலைவரே?

இளைய பல்லவன் said...

அட ஆச்சரியமா இருக்கே பப்பு! !

சியர்ஸ் டூ..

இளைய பல்லவன் said...

வாங்க ஆதவன்

உரையாடல் கவிதைப் போட்டியா???

அது என்ன தெரியாதே...